திறந்தநிலைப் பல்கலைக்கழகம்: பட்டப் படிப்புக்கு விண்ணப்பிக்கலாம்

கர்நாடக திறந்தநிலைப் பல்கலைக்கழகத்தில் வழங்கப்படும் இளநிலை மற்றும் முதுநிலைப் பட்டப்படிப்புக்கு விண்ணப்பங்கள் வரவேற்கப்படுகின்றன.





இது குறித்து கர்நாடக திறந்தநிலைப் பல்கலைக்கழகம் வெளியிட்டுள்ள செய்திக்குறிப்பு: கர்நாடக திறந்தநிலைப் பல்கலைக்கழகத்தில் 2018-19-ஆம் கல்வியாண்டில் பி.ஏ., பி.காம்., எம்.ஏ.(பொருளாதாரம், .ஆங்கிலம், .இந்தி,. வரலாறு, .பத்திரிகையியல் மற்றும் வெகுமக்கள் தொடர்பியல், .கன்னடம், .தத்துவவியல், அரசியல் அறிவியல், ஊரக மேம்பாட்டு ஆய்வு, சம்ஸ்கிருதம், சமூகவியல், தெலுங்கு, உருது, மகளிர் ஆய்வு), எம்.எஸ்சி. (சுற்றுச்சூழல் அறிவியல், எம்எல்ஐசி(நூலகரியல்), எம்சிஜே(ஊடகவியல்), எம்.காம்(நிதி பகுப்பாய்வு, பன்னாட்டு வணிகம், பொருளாதாரம்) இளநிலை மற்றும் முதுநிலைப் பட்டப்படிப்புகளுக்கு விண்ணப்பங்கள் வரவேற்கப்படுகின்றன. 








மைசூருக்கு வெளியே பெங்களூரில் மல்லேஸ்வரம் மர்றும் சாமராஜ்பேட்டில் கல்வி மையங்கள் இயங்கி வருகின்றன. வேறு எங்கும் கல்வி மையங்கள் செயல்படவில்லை. 




இதற்கான விண்ணப்பப் படிவங்களை பல்கலைக்கழகத்தின் இணையதளமான w‌w‌w.‌k‌s‌o‌u‌m‌y‌s‌o‌r‌e.‌k​a‌r‌n​a‌t​a‌k​a.‌g‌o‌v.‌i‌n-இல் இருந்து தரவிறக்கம் செய்து கொள்ளலாம். பிபிஎல் குடும்ப அட்டைகளை வைத்திருக்கும் மகளிருக்கு கல்விக் கட்டணத்தில் 25 சதம் தள்ளுபடி அளிக்கப்படும். தாழ்த்தப்பட்டோர், பழங்குடியினருக்கு உரிய சான்றிதழ் இருந்தால் கல்விக் கட்டணம் முழுமையாக தள்ளுபடி செய்யப்படும். மேலும், விவரங்களுக்கு மண்டல இயக்குநர், பெங்களூரு மண்டல அலுவலகம், கர்நாடக திறந்தநிலைப் பல்கலைக்கழகம், 61, 5-ஆவது முக்கியச் சாலை,
5-ஆவது குறுக்குச் சாலை, சாமராஜ்பேட், பெங்களூரு-18 என்ற முகவரி அல்லது தொலைபேசி எண்கள் 080-26603664, 9448668880-ஐ அணுகலாம் என்று அதில் கூறப்பட்டுள்ளது.