தமிழ்ப் பல்கலைக்கழகத்தில் ஒருங்கிணைந்த முதுகலை பட்டப்படிப்பில் மாணவர் சேர்க்கை தொடக்கம்

தமிழ்ப் பல்கலைக்கழகத்தில் ஒருங்கிணைந்த முதுகலை பட்டப்படிப்பில் மாணவர் சேர்க்கை தொடக்கம் 

தஞ்சாவூர் தமிழ்ப் பல்கலைக்கழகத்தில் ஒருங்கிணைந்த முதுகலை பட்டப்படிப்பில் மாணவர் சேர்க்கை திங்கள்கிழமை தொடங்கியது. இப்பல்கலைக்கழகத்தில் 2019 - 20 ஆம் கல்வி ஆண்டு முதல் தமிழ் மற்றும் வரலாற்றுத் துறைகளில் ஒருங்கிணைந்த முதுகலை பட்டப்படிப்பு தொடங்கப்பட்டுள்ளது. இப்படிப்பில் மாணவர் சேர்க்கையைத் துணைவேந்தர் கோ. பாலசுப்ரமணியன் திங்கள்கிழமை தொடங்கி வைத்தார். 

பின்னர், அவர் தெரிவித்தது: இந்த ஐந்தாண்டு கால ஒருங்கிணைந்த பட்டப்படிப்பில் 3 ஆண்டுகள் நிறைவு செய்தோர் விருப்பத்தின் அடிப்படையில் இளங்கலை பட்டம் பெறும் வசதி உள்ளது. இப்பட்டப்படிப்பில் 12-ம் வகுப்பு தேர்ச்சி பெற்ற மாணவர்கள் சேரலாம். மேலும், இரண்டாண்டு முதுகலைத் தமிழ், வரலாறு, தொல்லியல், நாடகம் ஆகியவற்றுக்கான மாணவர் சேர்க்கையும் நடைபெற்று வருகிறது. மாணவர் சேர்க்கைக்கு ஜூன் 28-ம் தேதி வரை கால நீட்டிப்பு செய்யப்பட்டுள்ளது. மாணவர்கள் நேரடியாக இப்படிப்புகளில் சேர்ந்து கொள்ளலாம். 

விண்ணப்பக் கட்டணம் பொது பிரிவினருக்கு ரூ. 300, பட்டியல் இனத்தவருக்கு ரூ. 150. மேலும், விவரங்களுக்கு ‌w‌w‌w.‌t​a‌m‌i‌l‌u‌n‌i‌v‌e‌r‌s‌i‌t‌y.​a​c.‌in என்ற இணையதளத்தில் பார்க்கலாம்.