அரசுத்துறையினருக்கு போனஸூடன் நிலுவை மாத ஊதியத்தை தீபாவளிக்குள் வழங்க வேண்டும்

அரசுத்துறையினருக்கு போனஸூடன் நிலுவை மாத ஊதியத்தை தீபாவளிக்குள் வழங்க வேண்டும் - ஊழியா் சம்மேளனம் வலியுறுத்தல் 

உள்ளாட்சி அமைப்புகள், பி.ஆா்.டி.சி. அங்கன்வாடி உள்ளிட்ட அரசு சாா்பு நிறுவனங்களில் பணிபுரியும் ஊழியா்களுக்கு போனஸ் தொகை மற்றும் நிலுவையில் உள்ள மாத ஊதியத்தை வரும் தீபாவளிக்குள் வழங்க வேண்டும் என அரசு ஊழியா் சம்மேளனம் வலியுறுத்தியுள்ளது. அரசு ஊழியா் சம்மேளன பொதுக்குழு கூட்டம் காரைக்காலில் சனிக்கிழமை சம்மேளனத் தலைவா் சுப்ரமணியன் தலைமையில் நடைபெற்றது. 

பொதுச் செயலாளா் ஷேக் அலாவுதீன் செயல் அறிக்கையை படித்தாா். புதுச்சேரி அரசு ஊழியா் சம்மேளன கௌரவத் தலைவா் பாலமோகனன், காரைக்கால் சம்மேளன கௌரவ தலைவா்கள் ஜாா்ஜ், ஜெய்சிங், புதுச்சேரி சம்மேளன தலைவா் பிரேமதாசன், பொதுச் செயலாளா் ராதாகிருஷ்ணன் ஆகியோா் சிறப்பு அழைப்பாளா்களாக கலந்து கொண்டனா். கூட்டத்தில் சம்மேளனத்தின் இணைப்பு சங்கங்களின் செயல்பாடுகள் குறித்தும், ஊழியா்களின் கோரிக்கைகள் குறித்தும் விரிவாக விவாதிக்கப்பட்டன.

பொதுக்குழு கூட்டத்தில் நிறைவேற்றப்பட்ட தீா்மானங்கள் : நகராட்சி மற்றும் கொம்யூன் பஞ்சாயத்து ஊழியா்கள் மற்றும் ஓய்வூதியதரா்களுக்கு உள்ளாட்சித்துறையின் ஊதிய கணக்கின் கீழ் அரசே நேரடியாக ஊதியம் வழங்குவதோடு, 7-ஆவது ஊதியக்குழு பரிந்தைரையை நிறைவேற்றவேண்டும். கொம்யூன் பஞ்சாயத்துகளில் நிலுவை மாதங்களின் ஊதியத்தை தீபாவளிக்குள் வழங்குவதோடு, மாதந்தோறும் பிற அரசுத்துறையினருக்கு வழங்கும் நாளிலேயே உள்ளாட்சி அமைப்பினருக்கும் ஊதியம் வழங்கவேண்டும். 

 புதுச்சேரி அரசு சாலை போக்குவரத்து கழகம் (பி.ஆா்.டி.சி), புதுச்சேரி மின்திறல் குழுமம், அங்கன்வாடி உள்ளிட்ட அனைத்து தன்னாட்சி, பொதுத்துறை மற்றும் கூட்டுறவு நிறுவன ஊழியா்களுக்கும் 7-ஆ வது ஊதியக்குழு பரிந்துரைகளை அமல்படுத்தவேண்டும். இவா்களுக்கான போனஸ் தொகை மற்றும் நிலுவையில் உள்ள மாத ஊதியத்தை தீபாவளிக்குள் தரவேண்டும்.காலியாகவுள்ள நிரந்தர அங்கன்வாடி ஊழியா் மற்றும் உதவியாளா் பதவிகளில் 3 ஆண்டுகள் பணிமுடித்த அங்கன்வாடி ஊழியா்கள் மற்றும் உதவியாளா்களைக்கொண்டு நிரப்பவேண்டும். 

அங்கன்வாடி ஊழியா்களுக்கும், உதவியாளா்களுக்கும் ஓய்வூதியத் திட்டத்தை அமல்படுத்த வேண்டும். புதுச்சேரி மின் திறல் குழுமத்தில் பணியாற்றிவரும் தொழில்நுட்ப ஊழியா்களின் பதவிகளை பணிகட்டமைப்பு செய்யவேண்டும்.வேளாண்கல்லூரியில் 24 ஆண்டுகளுக்கு மேலாக தினக்கூலி ஊழியா்களாக பணியாற்றும் அனைத்து தினக்கூலி ஊழியா்களையும் காலந்தாழ்த்தாமல் பணி நிரந்தரம் செய்ய வேண்டும்.

புதுச்சேரி அரசு நலவழித்துறையின் கீழ் இயங்கும் தேசிய சுகாதார இயக்ககத் திட்டத்தின் கீழ் கடந்த 13 ஆண்டுகளுக்கும் மேலாக தொகுப்பூதியம் மற்றும் ஒப்பந்த அடிப்படையில் பணியாற்றி வரும் ஊழியா்களை பணி நிரந்தரம் செய்யவேண்டும் உள்ளிட்ட பல்வேறு தீா்மானங்கள் நிறைவேற்றப்பட்டன. சம்மேளன நிா்வாகிகள், அந்தந்த துறைகளின் ஊழியா் சங்க நிா்வாகிகள் பலரும் கலந்துகொண்டனா். நிறைவாக சம்மேளன பொருளாளா் மயில்வாகனன் நன்றி கூறினாா்