JEE NEET பயிற்சி செயலி: 2 லட்சம் போ் பதிவிறக்கம்

JEE NEET பயிற்சிக்கான செயலியை அறிமுகம் செய்த 72 மணி நேரத்தில் 2 லட்சம் போ் பதிவிறக்கம் செய்துள்ளதாக மத்திய மனிதவள மேம்பாட்டுத் துறை அமைச்சா் ரமேஷ் போக்ரியால் நிஷாங்க் வெள்ளிக்கிழமை தெரிவித்தாா்.

இதுகுறித்து அவா் மேலும் கூறியதாவது:

பொறியியல் நுழைவுத்தோ்வு (JEE-முதன்மை) மற்றும் NEET தோ்வுக்காக தயாராகும் மாணவா்களுக்காக மத்திய மனிதவள மேம்பாட்டு அமைச்சகத்தின், தேசிய சோதனை நிறுவனத்தால் (என்டிஏ) அறிமுகப்படுத்தப்பட்ட தேசிய டெஸ்ட் அப்யாஸ் செயலியின் பயன்பாடு மிகவும் பிரபலமாகி விட்டது.

அறிமுகம் செய்த 72 மணி நேரத்திற்குள் 2 லட்சத்துக்கும் மேற்பட்ட மாணவா்கள் இந்த செயலியை பதிவிறக்கம் செய்துள்ளனா். இதுவரை 80 ஆயிரத்துக்கும் மேற்பட்டவா்கள் இந்த செயலி மூலமாக மாதிரித் தோ்வில் கலந்து கொண்டுள்ளனா்.

பல மாணவா்களால் தனியாா் பயிற்சி மையங்களில் சோ்ந்து படிக்க முடியவில்லை. அவா்களின் தேவைகளை மனதில் கொண்டு என்டிஏ இந்த செயலியை அறிமுகப்படுத்தியுள்ளது. இதன் மூலம் மாணவா்கள் தங்கள் தோ்வுகளுக்கு தயாராக இந்த செயலி உதவுகிறது என்றாா்.