அண்டார்டிகாவின் தென் துருவத்தை அடைந்த  முதல் பெண் ஐபிஎஸ் அபர்ணா சாதனை

இந்தோ திபெத் எல்லை காவல் படையில் (ஐடிபிபி) பணிபுரியும் அபர்ணா குமார், அண்டார்டிகாவில் உள்ள தென் துருவத்தை அடைந்த முதல் பெண் ஐபிஎஸ் அதிகாரி என்ற சாதனை படைத்துள்ளார். கடந்த 2002-ம் ஆண்டு உத்தரபிரதேச மாநில பிரிவிலிருந்து ஐபிஎஸ் அதிகாரியாக தேர்வானவர் அபர்ணா குமார் (44). இந்தோ திபெத் எல்லை காவல் படையில் டிஐஜியாக பணிபுரிந்து வரும் இவர், 8 நாள் பயணத்துக்குப் பிறகு கடந்த 13-ம் தேதி அண்டார்டிகா கண்டத்தில் உள்ள தென் துருவத்தை அடைந்தார். 

இதன்மூலம் இந்த சிகரத்தை அடைந்த முதல் பெண் ஐபிஎஸ் அதிகாரி என்ற சாதனை படைத்துள்ளார். இவருடன் 7 பேர் கொண்ட குழு சென்றது. 111 மைல் தூரம் இவர்கள் நடந்துள்ளனர். இதையடுத்து, அபர்ணா குமார் மத்திய உள்துறை அமைச்சர் ராஜ்நாத் சிங் மற்றும் உள்துறை செயலாளர் ராஜிவ் கவுபாவை நேற்று முன்தினம் சந்தித்துப் பேசினார். அப்போது, கடந்த 6 ஆண்டுகளாக மலை ஏற்றத்தில் ஈடுபட்டபோது ஏற்பட்ட சவால்களை பகிர்ந்து கொண்டார். இதுகுறித்து அபர்ணா செய்தியாளர்களிடம் கூறும்போது, “கடந்த 2014-ம் ஆண்டு மலை யேற்ற பயிற்சியை முடித்தேன். 

அதன் பிறகு திரும்பிப் பார்க்கவே இல்லை கடும் குளிர் நிலவும் (மைனஸ் 37 டிகிரி) தென் துருவத்தில் ஏறுவது மிகவும் கடினமாகவும் சவாலானதாகவும் இருந்தது. இதன்மூலம் 6 கண்டங்களில் உள்ள புகழ்பெற்ற சிகரங்களில் ஏறிவிட்டேன். 7-வதாக இந்த ஆண்டு வட அமெரிக்காவின் தினாலி சிகரத்தை அடைய திட்டமிட்டுள்ளேன்” என்றார். சாதனைப் படைத்த அபர்ணா குமார் கர்நாடக மாநிலத்தைச் சேர்ந்தவர். இவருக்கு 2 குழந்தைகள் உள்ளன. - பிடிஐ

🌐🙏Dear Admins🙋‍♂🙋‍♀ Do you want to get 🌱ThulirKalvi🔰Updates🖥 on Your 🤳WhatsApp Group, Please🙏 Add this Number📌9⃣3⃣4⃣4⃣1⃣1⃣8⃣0⃣2⃣9⃣📌🍂