நன்னிலம் அருகே ஊராட்சி ஒன்றிய நடுநிலைப் பள்ளிக்கு கல்வி (உபகரணங்கள்) சீர்வரிசை வழங்கும் நிகழ்ச்சி வியாழக்கிழமை நடைபெற்றது .
நன்னிலம் அருகே நெம்மேலி கிராமத்தில் உள்ள ஊராட்சி ஒன்றிய நடுநிலைப் பள்ளிக்கு முன்னாள் மாணவர்கள், பெற்றோர்கள் மற்றும் பொதுமக்கள் சார்பில் பள்ளிக்கு தேவையான பொருள்களான பேனா, பென்சில், மின்விசிறி, பீரோ, நாற்காலிகள், கம்ப்யூட்டர், பிரிண்டர், ஆங்கில அகராதி, குடிநீர் பாத்திரம் உள்ளிட்ட சுமார் ரூ. 2 லட்சம் மதிப்புள்ள பொருள்கள் நன்கொடையாக வழங்கினர்.
அந்த கல்வி உபகரணங்களை நன்கொடையாளர்கள் மேளத்தாளத்துடன் ஊர்வலமாக எடுத்து வந்து வட்டார கல்வி அலுவலர் சிவ. இளங்கோவன் முன்னிலையில் பள்ளித் தலைமையாசிரியர் மணிமாறனிடம் வழங்கினர். இதில், ஆசிரியர் செல்வகுமார் உள்ளிட்ட ஆசிரியர்கள், பெற்றோர்கள், பொதுமக்கள், முன்னாள் மாணவர்கள், பள்ளி மாணவர்கள் கலந்துகொண்டனர்.
No comments:
Post a Comment
Please Comment