தொடக்கக் கல்வி பட்டயத் தேர்வெழுதிய ஆசிரியர் பயிற்சி மாணவர்கள், மறுகூட்டலுக்கு விண்ணப்பிக்கலாம்' என, கலெக்டர் அன்பழகன் தெரிவித்தார்.இது குறித்து அவர் வெளியிட்ட செய்திக்குறிப்பு:
தமிழகத்தில், கடந்த, 2018 ஜூன் மாதம் நடந்த, தொடக்கக் கல்வி பட்டயத் தேர்விற்கு ஆசிரியர் பயிற்சி நிறுவனம் மூலம் பயிற்சி பெற்று, முதல் மற்றும் இரண்டாமாண்டு தேர்வெழுதிய மாணவ, மாணவியர், அவரவர் பயின்ற ஆசிரியர் பயிற்சி நிறுவனங்களில், மார்ச், 1 முதல் தெரிந்து கொள்ளலாம். தனித்தேர்வர்கள், விண்ணப்பங்களை சமர்ப்பித்த மாவட்ட ஆசிரியர் கல்வி மற்றும் பயிற்சி நிறுவனங்களில் தேர்வு முடிவுகளை, மார்ச், 1 முதல் அறிந்து கொள்ளலாம்.
மேலும், விடைத்தாள்களின் ஒளிநகலைப் பெற, விடைத்தாள் மறுகூட்டல் செய்ய விண்ணப்பிக்க விரும்புவோர், www.dge.tn.gov.in என்ற இணையதளத்தில் விண்ணப்பத்தை பதிவிறக்கி, பூர்த்தி செய்து, அதில் குறிப்பிட்டுள்ள கட்டணத் தொகையுடன், வரும், 5 முதல், 7 வரை, சம்பந்தப்பட்ட மாவட்ட ஆசிரியர் கல்வி மற்றும் பயிற்சி நிறுவனங்களில் நேரடியாக செலுத்தி, ஆன்லைன் மூலம் பதிவேற்ற அறிவுறுத்தப்படுகிறது. இவ்வாறு அதில் தெரிவித்துள்ளார்
No comments:
Post a Comment
Please Comment